ದಿನಕ್ಕೊಂದು ಕಥೆ 01
🌻🌻ದಿನಕ್ಕೋಂದು ಕಥೆ🌻🌻
ಪ್ರೇಮ ಒಂದು ಪರೀಕ್ಷೆ ಮತ್ತು ಪ್ರತ್ಯಕ್ಷ ಪ್ರಮಾಣ. ಅದನ್ನೇ ಮಹಾವೀರನು ಅಹಿಂಸೆ ಎಂದು ಕರೆದಿರುವುದು. ಅಹಿಂಸೆಯ ಅರ್ಥ ಬೇರೆಯವರಿಗೆ ದುಃಖವನ್ನು ಕೊಡಬೇಡ ಎಂಬುದಷ್ಟೇ ಅಲ್ಲ. ಅನ್ಯರಿಗೆ ದುಃಖ ನೀಡುವ ಭಾವವನ್ನು ಬಲವಂತವಾಗಿ ನಿಗ್ರಹಿಸುವವರು ತಮಗೇ ದುಃಖ ಕೊಟ್ಟುಕೊಳ್ಳಲು ಆರಂಭಿಸುತ್ತಾರೆ. ದುಃಖ ನೀಡಲು ಎಷ್ಟು ಇಚ್ಛೆ ಇರುವುದೆಂದರೆ ಬೇರೆಯವರಿಗೆ ದುಃಖ ನೀಡುವುದನ್ನು ಬಲವಂತವಾಗಿ ತಡೆದರೆ ಆಗ ಅವರು ತಮಗೇ ದುಃಖ ಕೊಟ್ಟುಕೊಳ್ಳುವುದನ್ನು ಆರಂಭಿಸುವರು. ಹಲವು ಫಕೀರ, ಸಾಧುಗಳು ತಮ್ಮ ಶರೀರವನ್ನು ಹಿಂಸೆಗೆ ಒಳಪಡಿಸಿಕೊಳ್ಳಲು ಕಾರಣವೇನೆಂದರೆ ದುಃಖ ನೀಡುವ, ಸತಾಯಿಸುವ ಆನಂದವನ್ನು ಬೇರೆಯವರಿಂದ ಪಡೆಯುವ (ಬೇರೆಯವರಿಗೆ ದುಃಖವನ್ನು ನೀಡುವ ಮೂಲಕ) ಬದಲು, ಆ ಆನಂದವನ್ನು ಅವರು ನಿಲ್ಲಿಸಿಬಿಟ್ಟಿರುವುದರಿಂದ, ಅವರು ತಮ್ಮ ಶರೀರವನ್ನೇ ಸತಾಯಿಸುತ್ತಿರುವರು. ಹೊಟ್ಟೆಯ ಮೇಲೆ, ಸೊಂಟದ ಮೇಲೆ ಮುಳ್ಳುಗಳ ಪಟ್ಟಿಯನ್ನು ಧರಿಸುವ ಫಕೀರರಿದ್ದಾರೆ. ಆ ಮೂಲಕ ಆ ಮುಳ್ಳುಗಳು ಅವರ ಸೊಂಟದಲ್ಲಿ ಚುಚ್ಚುತ್ತಾ ಗಾಯವನ್ನು ಉಂಟು ಮಾಡಲಿ ಎಂಬುದು ಅವರ ಉದ್ದೇಶ. ಕೆಲವು ಫಕೀರರು ಚಪ್ಪಲಿಯ ಮೇಲೆ ಮೊಳೆಗಳನ್ನು ಇರಿಸಿಕೊಂಡು, ಅವು ಪಾದದ ಮೇಲೆ ಚುಚ್ಚಿ ಗಾಯವನ್ನು ಉಂಟು ಮಾಡಿ ಅವುಗಳಿಂದ ಸದಾ ರಕ್ತ ಸುರಿಯುತ್ತಿರುವಂತೆ ಮಾಡಿಕೊಳ್ಳುತ್ತಾರೆ. ಕೆಲವರು ತಮ್ಮ ಕಣ್ಣುಗಳನ್ನೇ ಕಿತ್ತುಕೊಳ್ಳುತ್ತಾರೆ. ಇವರು ತಮ್ಮ ಹಿಂಸಾ ಪ್ರವೃತ್ತಿಯನ್ನು ಹೊರಗಡೆ ಪ್ರಕಟವಾಗದಂತೆ ಬಲವಂತವಾಗಿ ನಿಲ್ಲಿಸುವುದರಿಂದ, ಅದರ ಚಲನೆ ನಿಲ್ಲಲಾಗದೇ, ಅದು ಹಿಂತಿರುಗಿ ವ್ಯಕ್ತಿಯ ಕಡೆಗೇ ಧಾವಿಸುತ್ತದೆ. ಯಾವ ವ್ಯಕ್ತಿ ಹೊರಗೆ ಬಲವಂತದಿಂದ ಹಿಂಸೆಯನ್ನು ನಿಲ್ಲಿಸುವನೋ ಆತ ತನ್ನ ಮೇಲೇ ಹಿಂಸೆಯನ್ನು ಕೊಟ್ಟುಕೊಳ್ಳಲು ಆರಂಭಿಸುವನು. ಮಹಾವೀರ ಆತ್ಮಹಿಂಸೆಯನ್ನು ಹೇಳುತ್ತಿಲ್ಲ. ಆ ಕಾರಣದಿಂದ ಮಹಾವೀರನು ಹಿಂಸಾತ್ಯಾಗಕ್ಕೆ ಹೇಳುತ್ತಿಲ್ಲ. ಮಹಾವೀರನಿಗೆ ಯಾರೋ ಕೇಳಿದರು. ಅಹಿಂಸೆ ಎಂದರೇನು? ಎಂದು. ಆ ಪ್ರಶ್ನೆಗೆ ಮಹಾವೀರ ಹೇಳಿರುವನು ಆತ್ಮ ಅಹಿಂಸೆ ಎಂದು. ಅತ್ಯಂತ ಅದ್ಭುತವಾದ ಉತ್ತರವಿದು! ಇದಕ್ಕಿಂತಲೂ ಉತ್ತಮವಾದ ಉತ್ತರವನ್ನು ಈ ಭೂಮಿಯಲ್ಲಿ ಇದುವರೆಗೂ ಯಾರೂ ನೀಡಿಲ್ಲ. ತುಂಬ ವಿಚಿತ್ರ. ಅಸಂಗತ ಎಂಬಂತೆ ಕಾಣಬಹುದು. ಅದರ ಅರ್ಥವೇನು. ಅದರ ಅರ್ಥ ಯಾವ ವ್ಯಕ್ತಿ ತನ್ನ ಆತ್ಮದಲ್ಲಿ ಪ್ರತಿಷ್ಠಿತನಾಗಿರುವನೋ ಆತ ಅಹಿಂಸೆಗೆ ಲಭ್ಯವಾಗುವನು. ಉಪಲಬ್ಧನಾಗುವನು. ಯಾವ ವ್ಯಕ್ತಿಯು ಆತ್ಮದಲ್ಲಿ ಪ್ರತಿಷ್ಠಿತನಾಗುವುದಿಲ್ಲವೋ ಅಂತಹಾ ವ್ಯಕ್ತಿ ಕೇವಲ ಹಿಂಸೆಯನ್ನು ವಿರೋಧಿಸಬಲ್ಲ. ಆದರೆ ಅಹಿಂಸೆಯನ್ನು ಹೊಂದುವುದು ಸಾಧ್ಯವಿಲ್ಲ. ಹಿಂಸೆಯನ್ನು ಬಿಡುವುದೇ ಬೇರೆ. ಅಹಿಂಸೆಯನ್ನು ಹೊಂದುವುದೇ ಬೇರೆ. ಅಹಿಂಸೆ ಸಕಾರಾತ್ಮಕವಾದುದು. ರಚನಾತ್ಮಕವಾದುದು. ಅದು ರಚನಾತ್ಮಕವಾದುದರಿಂದಲೇ ನಾನು ಅದನ್ನು ಪ್ರೇಮ ಎಂದು ಕರೆದುದು. ಮಹಾವೀರನ ಸಾಧನೆಯನ್ನು ಎರಡು ಶಬ್ಧಗಳಲ್ಲಿ ಹೇಳಬೇಕಾದರೆ ಅದು ಸತ್ಯ ಮತ್ತು ಅಹಿಂಸೆ.
* ಓಶೋ. ಸಂಗ್ರಹ: ವೀರೇಶ್ ಅರಸಿಕೆರೆ.
Comments
Post a Comment